நீங்கள் தேடியது "பாளை மத்திய சிறை"

நெல்லை:

நெல்லை மாவட்டம் ஆலங்குளம் அருகே உள்ள அய்யனார்குளம் வடக்கு தெருவை சேர்ந்தவர் இசக்கி முத்து (வயது 27), கூலித் தொழிலாளி. இவருக்கும், சீதபற்பநல்லூர் வடக்கு தெருவை சேர்ந்த மாரியப்பன் மகள் இசக்கியம்மாள் என்ற ஆனந்திக்கும், கடந்த 3 ஆண்டுகளுக்கு முன்பு திருமணம் நடந்தது.

இவர்களுக்கு கடந்த செப்டம்பர் மாதம் 9-ந்தேதி நடுக்கல்லூர் அரசு ஆஸ்பத்திரியில் ஆண் குழந்தை பிறந்தது. இதையடுத்து ஆனந்தி, தனது குழந்தையுடன் சீதபற்பநல்லூரில் உள்ள பெற்றோர் வீட்டிற்கு சென்று விட்டார்.

இசக்கிமுத்து சீதபற்பநல்லூருக்கு சென்று குழந்தையை பார்த்தார். அப்போது, குழந்தையுடன் உடனடியாக வீட்டிற்கு வரும்படி ஆனந்தியிடம் இசக்கிமுத்து கூறினார். இதற்கு மாமியார் முத்துலட்சுமி எதிர்ப்பு தெரிவித்தார்.

இந்த நிலையில் கடந்த அக்டோபர் மாதம் 12-ந்தேதி இரவில் சீதபற்பநல்லூருக்கு இசக்கிமுத்து மீண்டும் சென்றார். இரவில் அங்கு தங்கினார். மறுநாள் காலையில் தூங்கி எழுந்த ஆனந்தி, தனது அருகில் படுத்து இருந்த குழந்தையையும், கணவர் இசக்கி முத்துவையும் காணாமல் அதிர்ச்சி அடைந்தார். பல்வேறு இடங்களில் தேடியும் கண்டுபிடிக்க முடியவில்லை. இதுகுறித்து போலீசில் புகார் செய்யப்பட்டது.

அய்யனார்குளத்தில் இருந்த இசக்கிமுத்துவை பிடித்து சீதபற்பநல்லூர் போலீசார் விசாரணை நடத்தினர். அப்போது, அவர் தனது குழந்தையை குளத்தில் கல்லை கட்டி வீசிக் கொலை செய்து விட்டேன் என்று தெரிவித்தார். இதையடுத்து போலீசார் வழக்குப்பதிவு செய்து இசக்கிமுத்துவை கைது செய்து கோர்ட்டில் ஆஜர்படுத்தி பாளை மத்திய சிறையில் அடைத்தனர்.

இந்த நிலையில் நேற்று காலையில் வழக்கம் போல் சிறை அறையில் இருந்து கைதிகள் திறந்து விடப்பட்டனர். அறையில் இருந்து வெளியே வந்த இசக்கிமுத்து, சிறை வளாகத்தில் உள்ள ஒரு மரத்தில் தனது டவலை கிழித்து தூக்குப்போட்டு தற்கொலை செய்து கொண்டார்.

மரத்தில் இசக்கிமுத்து பிணமாக தொங்கியதை பார்த்த மற்ற கைதிகள் அதிர்ச்சி அடைந்தனர். அவர்கள் இதுகுறித்து சிறை அதிகாரிகளுக்கு தகவல் கொடுத்தனர். உடனே சம்பவ இடத்திற்கு சிறை சூப்பிரண்டு கிருஷ்ணகுமார், ஜெயிலர் தர்மலிங்கம் ஆகியோர் விரைந்து சென்றனர்.

இதுகுறித்து ஜெயிலர் தர்மலிங்கம் பெருமாள்புரம் போலீசில் புகார் செய்தார். போலீசார் விரைந்து வந்து இசக்கிமுத்து உடலை கைப்பற்றி பிரேத பரிசோதனைக்காக நெல்லை அரசு ஆஸ்பத்திரிக்கு அனுப்பி வைத்தனர். விசாரணையில் இசக்கிமுத்து கடந்த சில நாட்களாக மனநலம் பாதிக்கப்பட்ட நிலையில் இருந்து வந்ததாக சிறை அதிகாரிகள் தெரிவித்தனர்.

யாருடனும் பேசாமல் அடிக்கடி தனிமையில் இருந்துள்ளார். இதனால் அவர் மனஉளைச்சலில் தற்கொலை செய்திருக்கலாம் என்று கூறப்படுகிறது. இதுகுறித்து இன்று நெல்லை கோர்ட்டு மாஜிஸ்திரேட்டு ராமதாஸ் நேரில் சென்று விசாரணை நடத்தினார்.

இதில் இசக்கிமுத்து தற்கொலை குறித்து யாரும் சந்தேகம் எழுப்பவில்லை. இதனால் இன்று அவரது உடல் உறவினரிடம் ஒப்படைக்கப்பட்டு இறுதி சடங்குகள் நடத்தப்பட்டன.

நெல்லை:

ஆலங்குளம் அருகே உள்ள அய்யனார்குளம் வடக்கு தெருவை சேர்ந்தவர் இசக்கிமுத்து (வயது 27). கூலித் தொழிலாளியான இவருக்கும், சீதபற்பநல்லூர் வடக்கு தெருவை சேர்ந்த மாரியப்பன் மகள் இசக்கியம்மாள் என்ற ஆனந்திக்கும் (21) கடந்த 3 ஆண்டுகளுக்கு முன்பு திருமணம் நடந்தது.

ஆனந்திக்கு சில நாட்களுக்கு முன்பு நடுக்கல்லூர் அரசு ஆஸ்பத்திரியில் ஆண் குழந்தை பிறந்தது. பின்னர் நெல்லை அரசு ஆஸ்பத்திரிக்கு மாற்றப்பட்டு, கடந்த வாரம் ஆஸ்பத்திரியில் இருந்து குழந்தையுடன் ஆனந்தி சீதபற்பநல்லூரில் உள்ள தாய் வீட்டுக்கு சென்று விட்டார்.

இதையடுத்து குழந்தையை பார்க்க சென்ற இசக்கிமுத்து, குழந்தையுடன் ஆனந்தியை அய்யனார்குளம் வரும்படி அழைத்ததாக கூறப்படுகிறது. அப்போது இசக்கிமுத்து குடிபோதையில் இருந்ததால், மாமியார் முத்துலட்சுமி எதிர்ப்பு தெரிவித்துள்ளார். இதனால் இருவருக்கும் இடையே வாக்குவாதம் ஏற்பட்டு இசக்கிமுத்து அங்கிருந்து சென்றுவிட்டார்.

இந்தநிலையில் சம்பவத்தன்று இரவு இசக்கிமுத்து சீதபற்பநல்லூரில் உள்ள மனைவி வீட்டுக்கு சென்று தங்கியுள்ளார். அதிகாலையில் ஆனந்தி எழுந்து பார்த்தபோது, தொட்டிலில் இருந்த குழந்தையையும், இசக்கிமுத்துவையும் காணவில்லை.

இது குறித்து ஆனந்தி புகாரின்பேரில் சீதபற்பநல்லூர் போலீசார் இசக்கிமுத்துவை பிடித்து விசாரணை நடத்தினார்.

விசாரணையில் குழந்தையை இசக்கிமுத்து இரவில் தூக்கிச் சென்று சீதபற்பநல்லூரில் உள்ள குளத்தில் வீசி கொலை செய்தது தெரியவந்தது. இதையடுத்து குழந்தையை வீசிய இடத்தை இசக்கிமுத்து அடையாளம் காட்டவே, அங்கு தண்ணீருக்குள் கிடந்த குழந்தையின் உடலை மீட்டு நெல்லை அரசு ஆஸ்பத்திரிக்கு அனுப்பி வைத்தனர்.

இந்த கொலை தொடர்பாக போலீசார் வழக்குப்பதிவு செய்து இசக்கிமுத்துவை கைது செய்து பாளை மத்திய சிறையில் அடைத்தனர். இசக்கிமுத்துவை சிறையில் அடைத்த நாள் முதல் அவர் மனநிலை சரி இல்லாதவர் போல் சிறை வளாகத்தில் சுற்றி வந்துள்ளதாக தெரிகிறது.

இந்நிலையில் இன்று காலை சிறை வளாகத்தில் இசக்கிமுத்து நின்று கொண்டிருந்தார். அப்போது திடீரென்று அவர் கையில் வைத்திருந்த டவலால் அங்குள்ள மரத்தில் தூக்குப்போட்டார். இதையடுத்து அங்கு விரைந்து சென்ற சிறைத்துறையினர் அவரை மீட்டு நெல்லை அரசு மருத்துவமனைக்கு கொண்டு சென்றனர். ஆனால் அவர் ஏற்கனவே இறந்துவிட்டதாக டாக்டர்கள் கூறினர்.

இது குறித்து பெருமாள்புரம் போலீசார் வழக்குப்பதிவு செய்து விசாரணை நடத்தி வருகின்றனர். சிறை வளாகத்தில் கைதி தற்கொலை செய்து கொண்ட சம்பவம் பரபரப்பை ஏற்படுத்தியுள்ளது.

நெல்லை:


இதைத்தொடர்ந்து சென்னை புழல் ஜெயிலில் இருந்த பல அதிகாரிகள், சிறைக்காவலர்கள் அதிரடி மாற்றம் செய்யப்பட்டனர். அமைச்சர் சண்முகம் உத்தரவின் பேரில் தமிழகம் முழுவதும் முக்கிய சிறைகளில் அதிரடி சோதனை நடத்தவும் உத்தரவிடப்பட்டது. கடந்த 16-ந்தேதி கோவை, சேலம், கடலூர் ஆகிய மத்திய சிறைகளிலும் போலீசார் அதிரடி சோதனை நடத்தினார்கள்.

இந்த நிலையில் இன்று காலை திடீரென்று நெல்லை மாநகர போலீசார் பாளை மத்திய சிறையில் அதிரடி சோதனை நடத்தினார்கள். இதற்காக மாநகர போலீஸ் கமி‌ஷனர் மகேந்திர குமார் ரத்தோட் உத்தரவின் பேரில் துணை கமி‌ஷனர் சுகுணாசிங் மேற்பார்வையில் உதவி கமி‌ஷனர் விஜயகுமார் தலைமையில் 4 இன்ஸ்பெக்டர்கள், 5 சப்-இன்ஸ்பெக்டர்கள், 50 ஆயுதப்படை போலீசார்கள் மற்றும் அனுபவம் வாய்ந்த போலீசார்கள் என 73 பேர் அதிரடியாக இன்று காலை 6 மணிக்கு பாளை மத்திய சிறைக்குள் நுழைந்தனர்.

இதைத்தொடர்ந்து பாளை சிறைத்துறை சூப்பிரண்டு கிருஷ்ணகுமார் மற்றும் சிறைக்காவலர்கள் அவர்களை கைதிகள் அடைக்கப்பட்டுள்ள பல்வேறு பிரிவுகளுக்கும் அழைத்து சென்றனர். அனைத்து பகுதிகளிலும் போலீசார் அதிரடி சோதனை நடத்தினார்கள். 5 பிரிவுகளாக போலீசார் பிரிந்து சென்று இந்த சோதனைகளை நடத்தினார்கள். இந்த சோதனையின் போது வேறு யாரும் உள்ளே அனுமதிக்கப்படவில்லை.

தற்போது பாளை மத்திய சிறையில் தண்டனை கைதிகள் 649 பேர்களும், விசாரணை கைதிகள் 503 பேர்களும் குண்டர் சட்டத்தில் அடைக்கப்பட்டுள்ளவர்கள் 54 பேர்களும், ஒரு தூக்கு தண்டனை கைதியும், முதல் வகுப்பில் அடைக்கப்பட்டுள்ள 4 கைதிகளும் என மொத்தம் 1212 கைதிகள் அடைக்கப்பட்டுள்ளனர்.

இவர்கள் தங்கி இருந்த சிறை வார்டுகள் மற்றும் காலையில் அவர்கள் செல்லும் கழிவறைகள், குளியலறைகள், மைதானங்கள் ஆகியவற்றிலும் அங்குலம் அங்குலமாக சோதனை நடந்தது. மேலும் கைதிகள் அறையில் அவர்களுக்கு விதிமுறைகளை மீறி ஏதேனும் கூடுதல் வசதிகள் செய்து கொடுக்கப்பட்டுள்ளதா? என்றும் ஆய்வு செய்தனர்.

இந்த அதிரடி சோதனையில் போலீசாரிடம் 2 இரும்பு கம்பிகள் மற்றும் கத்தி போன்ற 1½ அங்குலம் அகலத்தில் 1 அடி நீளம் உள்ள 2 அலுமினிய தகடுகள் ஆகியவை பறிமுதல் செய்யப்பட்டன. செல்போன்களோ, கஞ்சா போன்ற போதை பொருட்களோ எதுவும் சிக்கவில்லை. இதுகுறித்து அவர்கள் உயர் அதிகாரிகளுக்கு தகவல் தெரிவித்தனர்.

இந்த சோதனை இன்று காலை 6 மணியில் இருந்து 7.30 மணி வரை சுமார் 1½ மணி நேரம் நடந்தது என்பது குறிப்பிடத்தக்கது. அங்கு பறிமுதல் செய்யப்பட்ட பொருட்களை அதிகாரிகள் ஆய்வு செய்து வருகிறார்கள். இதன் மூலம் ஏதேனும் தவறான காரியங்கள் நடந்துள்ளதா? என்றும் விசாரணை நடந்து வருகிறது.

இந்த சம்பவம் பாளை மத்திய சிறையில் பெரும் பரபரப்பை ஏற்படுத்தியுள்ளது. சோதனை நடப்பதை முன்னிட்டு பாளை மத்திய ஜெயில் முன்பகுதி மற்றும் வெளிப்புற சுற்று பகுதிகளிலும் கூடுதல் பாதுகாப்பு ஏற்பாடுகள் செய்யப்பட்டிருந்தன. #PalayamkottaiJail #PuzhalJail